Jahtet e gjashtë oligarkëve rusë, të cilët janë sanksionuar nga BE për shkak të luftës së Putinit në Ukrainë, mungojnë. Varkat luksoze janë zhdukur nga sistemi global i mbikëqyrjes, sipas gazetës britanike The Observer.
Një anëtar i ekuipazhit të një jahti tha për gazetën britanike se pronari i tha që të fikte sistemin e monitorimit duke mbyllur transmetuesin. Sipas ligjit detar, jahteve u kërkohet të transmetojnë një sinjal me rreze të gjatë.
Por ajo që po zhduket nga radarët e autoriteteve ka vetëm një qëllim: të bëhet “i padukshëm” në radarë, në mënyrë që pronarët e tyre të shmangin sanksionet perëndimore të vendosura ndaj tyre për pushtimin rus në Ukrainë.
Gazeta britanike analizoi të dhënat nga “AIS” (sistemi automatik i identifikimit) të kompanisë monitoruese “Vessels Value”, të cilat tregonin se gjashtë jahte që i përkisnin oligarkëve rusë ishin zhdukur nga sistemet e gjurmimit.
Në raport thuhet se ndër jahtet luksoze të “zhdukur” janë “Clio”, i industrialistit të madh Oleg Deripaska, i cili për herë të fundit i ka dërguar sinjal Detit të Zi më 18 prill, “Galactica Super Nova”, i ish-CEO-s së gjigandit “Lukoil” Vagit Alekperov, i cili la gjurmë në bregdetin kroat më 2 mars dhe “Ocean Victory”, në pronësi të biznesmenit Viktor Rashnikov, i cili ndodhej më 1 mars në Maldive.
Tre jahtet e tjera që janë zhdukur janë ato të manjatit të plehrave, Andrei Melnichenko, prodhuesit të duhanit Igor Kesayev dhe miliarderit Andrei Guriyev.
Sipas Sam Tucker nga VesselsValue, ka disa jahte që “ne dikur i sinjalizonim çdo disa minuta me transponderët dhe tani kemi boshllëqe muajsh. Ka shumë mundësi që disa prej tyre ta kenë mbyllur transmetuesin ose ta kenë vënë në modalitetin ‘stealth’ (që i bën të padukshëm)”.
“Ligji detar kërkon që jahtet të transmetojnë një sinjal në shkallë të gjerë për të rritur sigurinë detare dhe për qëllime të sigurisë dhe mbrojtjes së mjedisit detar”, sipas Organizatës Ndërkombëtare Detare.
Sipas Observer, oligarkët po luftojnë për të mbrojtur pasuritë e tyre nga sanksionet perëndimore.
Si rezultat, shumë jahte të pasurish rusë janë ankoruar në vende pa sanksione, si Maldive dhe Turqin, shtoi raporti.
