Mbahen sot homazhe në nderim të ish-presidentit të ndarë nga jeta Bujar Nishani. Homazhet zhvillohen në institucionin e presidencës së republikës, atje ku është vendosur dhe trupi i pajetë i mbërritur në Atdhe nga Gjermania mbrëmjen e djeshme.
Sipas protokollit të ceremonisë, sot do të jenë familjarët që do të presin vizitat e rastit dhe homazhe nga të afërm miq e dashamirës, ndërsa nesër në orën 10.00-12.00 do të mbahen homazhet zyrtare sipas ceremonialit dhe protokollit të shtetit.
I shoqëruar më pas nga kortezhi mortor presidenti Nishani do të përcillet për në banesën e fundit. Ish-Presidenti i Republikës së Shqipërisë ndërroi jetë në moshën 56-vjeçare, pas një beteje disamujore me Covid-19.
