Një aksident ka ndodhur ditën e sotme në vendin e quajtur kthesa e Patosit, në aksin rrugor Fier-Patos.
Një automjet tip Porsche ka përfunduar në kanal, ndërsa drejtuesi i tij, për shkak të plagëve të marra është përcjellë për në spitalin e Fierit, ku po merr ndihmën mjekësore.
Paraprakisht mësohet se drejtuesi i mjetit është një i ri 29-vjecar me inicialet M.P., i cili udhëtonte i vetëm në makinën e tij.
Paraprakisht dyshohet që shkak i aksidentit të ketë qenë një parakalim i gabuar. Policia ka mbërritur pranë vendit të ngjarjes.
Njoftimi i Policisë:
Sot rreth orës 14:00, në aksin rrugor Fier-Patos, shtetasi M. P., 29 vjeç, banues në Patos, duke drejtuar automjetin tip “Porsche” ka dalë nga rruga dhe për pasojë është dëmtuar vet drejtuesi i mjetit, i cili ndodhet në spital nën kujdesin e mjekëve.
Grupi hetimor po punon për zbardhjen e shkaqeve të daljes nga rruga.
j.l./ dita
