Pago Pago - AMERIKA SAMOA
O le taeao o le Aso Sa na te’a nei, na vaaia ai se fa’asalalauga i luga o le Facebook o lo o i ai se ata o le ta’avale a le Ofisa o le Kovana, o lo o fa’aletonu i le pito o le pa i Alega, e lata ane i le Tisa’s Barefoot Bar.
O le ta'avale na fa'ailoaina o le Ford Ranger Truck pa'epa'e fa'atasi ai ma le laisene e ta'ua o le "GO-40". O se tasi na ui ane, ma se tagata na vaaitino i ai, na ia vaaia le taavale na fai mai ina ua ia vili le 911 e lipotia le faalavelave, na faailoa atu e le avefeau ia te ia na ave le avetaavale i le falemai.
I le Aso Gafua, ma fa’ailoa ai e le Ofisa o le Kovana i se pepa o fa’amatalaga lenei fa’alavelave.
Fa’ailoa e le Ofisa e fa’apea, i le itula e 08:45 i le taeao, i le aso 16 o Iulai, 2023, na oo atu ai vi le Ofisa o le Kovana se faalavelave. Na taua e se sui o le Ofisa o le Kovana (GO) e fa’apea, o se ta’avale (GO-40) sa tofia i le vaega o le GO Road Marshall Division i le Ofisa o le Kovana, na maua atu i luga o le alatele ma tuulafoaia i le afioaga o Alega. Na vave ona logoina pulega ma leoleo.
Na fa’afesoota’i le vaega o le GO Road Marshall Division, ma latou lipotia ai le talepeina o le Ofisa o le Road Marshall lea e latalata i le nofoaga o le Lions Park, ma ua misi ai se ta’avale mai le latou lotoa. Na lipotia mai e le ofisa o le Saogalemu a le Malo e faapea, o nisi o ofisa o le malo i lea nofoaga na talepeina foi. I le taimi nei, o lo’o fa’atinoina e Leoleo a latou su’esu’ega.
E momoli atu le agaga fa’afetai a le Ofisa o le Kovana i le aufaigaluega a le GO na a’afia, ona o le vave ona tali atu i le fa’asalalauina o nei fa’alavelave, atoa ai ma le fesoasoani a le Matagaluega o le Saogalemu Lautele.
Matou te iloa le taua o le tausia o se siosiomaga saogalemu ma saogalemu mo ofisa uma o le malo ma o le a le taliaina nei solitulafono e le gata i le Malo ae faapea foi i tagata o Amerika Samoa.
Ua naunau le Ofisa o le Kovana e galulue fa'atasi ma lagolagoina le su'esu'ega a le Matagaluega o le Saogalemu Lautele ma o le a latou faia uma la'asaga talafeagai e va'ai ai o lo'o molia le tagata solitulafono.
