यो खबर पढेर तपाईलाई कस्तो महसुस भयो ?
![Khusi chhu](https://www.onlinekhabar.com/wp-content/themes/onlinekhabar-2021/img/ok-khusi.png)
खुसी
![Dukhi chhu](https://www.onlinekhabar.com/wp-content/themes/onlinekhabar-2021/img/ok-dukhi.png)
दुःखी
![Achammit chhu](https://www.onlinekhabar.com/wp-content/themes/onlinekhabar-2021/img/ok-achammit.png)
अचम्मित
![Utsahit Chhu](https://www.onlinekhabar.com/wp-content/themes/onlinekhabar-2021/img/ok-utsahit.png)
उत्साहित
![Akroshit Chhu](https://www.onlinekhabar.com/wp-content/themes/onlinekhabar-2021/img/ok-akroshit.png)
आक्रोशित
जिमेलमा आउने स्पाम मेसेजका कारण अब समस्या भोग्नुपर्ने आवश्यकता हुनेछैन । गुगलले आफ्नो जिमेलको एन्ड्रोइड एपमा एउटा नयाँ फिचर ल्याउँदैछ ।
नयाँ फिचरको सहयोगमा प्रयोगकर्ताले एकै पटकमा नै पूरै इनबक्सको मेसेज डिलिट गर्न सक्नेछन् । यसका लागि गुगलले जिमेल एपमाSelect All फिचर ल्याउन थालेको हो ।
यो फिचर जिमेलको वेब संस्करणमा भने पहिले देखि नै उपलब्ध छ । यो फिचरको मद्दतले प्रयोगकर्ताले चुट्कीको भरमा अनावश्यक स्पाम इमेलहरु डिलिट गर्न सक्नेछन् ।
एक रिपोर्ट अनुसार छिटै नै यो फिचर प्रयोगकर्ताका लागि उपलब्ध हुनेछ । यसका लागि प्रयोगकर्ताले गुगल प्ले स्टोरमा गएर आफ्नो जिमेल एम अपडेट गर्नुपर्नेछ ।
यद्यपि सेलेक्ट अल फिचरमा जिमेल वेबमा जस्तै एकपटकमा एउटा पेजका ५० वटा इमेल छनोट गरेर डिलिट गर्न सकिनेछ । अर्थात् जिमेलको सबै इनबक्स खाली गर्नका लागि भने पटक-पटक गरेर ५० वटाको दरले डिलिट गर्नुपर्ने हुन्छ ।
जिमेल एपको सेलेक्ट अल फिचर यसरी प्रयोग गर्न सकिन्छ :
- सबैभन्दा पहिले आफ्नो एन्ड्रोइडको जिमेल एप अपडेट गरेर जिमेल खोल्नुहोस्
- त्यसपछि जिमेलको इनबक्समा कुनै एउटा इमेलमा ट्याप गर्नुहोस्
- त्यसपछि सबै इमेल सेलेक्ट गर्नका लागि सबैभन्दा माथि देखिएको चेकबक्स छान्नुहोस्
- त्यहाँ तपाईंले अधिकतम ५० वटासम्म इमेल एकै पटकमा छान्न सक्नुहुन्छ
- सबै सेलेक्टेड इमेल हटाउनका लागि डिलिट बटनमा ट्याप गर्नुहोस्
- जिमेलको सबै इनबक्स सफा गर्नका लागि यो प्रक्रिया दोहोराउनुहोस् ।