यो खबर पढेर तपाईलाई कस्तो महसुस भयो ?
![Khusi chhu](https://www.onlinekhabar.com/wp-content/themes/onlinekhabar-2021/img/ok-khusi.png)
खुसी
![Dukhi chhu](https://www.onlinekhabar.com/wp-content/themes/onlinekhabar-2021/img/ok-dukhi.png)
दुःखी
![Achammit chhu](https://www.onlinekhabar.com/wp-content/themes/onlinekhabar-2021/img/ok-achammit.png)
अचम्मित
![Utsahit Chhu](https://www.onlinekhabar.com/wp-content/themes/onlinekhabar-2021/img/ok-utsahit.png)
उत्साहित
![Akroshit Chhu](https://www.onlinekhabar.com/wp-content/themes/onlinekhabar-2021/img/ok-akroshit.png)
आक्रोशित
१४ असोज, पोखरा । नेकपा एमाले गण्डकी प्रदेश अधिवेशनको तयारी पूरा भएको छ । अधिवेशन सोमबार पोखरामा पार्टी अध्यक्ष केपी शर्मा ओलीले उद्घाटन गर्ने आइतबार पत्रकार सम्मेलनमार्फत जानकारी दिइयो ।
१५ र १६ गते हुने अधिवेशनका लागि पोखराका २१ वटा होटल बुक गरिएको नेकपा एमाले गण्डकी प्रदेश अध्यक्ष नवराज शर्माले जानकारी दिए ।
अधिवेशनका लागि ९०७ जना प्रतिनिधि छनोट भएका छन् ।
पोखरा अमरसिंह चोकमा हुने अधिवेशन सुरु हुनुभन्दा अगाडि हस्पिटल चोक, औद्योगिक क्षेत्र, बुद्धचोक र बसपार्कबाट र्याली हुने शर्माले जानकारी दिएका छन् ।
अधिवेशनबाट नेतृत्व सहमतिबाटै चयन गर्ने गरी प्रयत्न गरिरहेको शर्माले बताए ।
‘सहमतिको विषयमा टाइमटेबल हुने कुरा भएन । अन्तिम अवस्थासम्म हामी प्रयत्न गर्छौं । तर, आन्तरिक प्रतिस्पर्धा नै हुने भए मेसिनबाट भोटिङ गर्ने व्यवस्था मिलाएका छौं,’ उनले भने ।
उद्घाटन सत्रपछि लगत्तै बन्द सत्र सुरु हुने नेकपा एमाले गण्डकी प्रदेशले जनाएको छ । निर्वाचन हुने स्थिति आए १६ गते मतदान गरेर १७ गते साँझसम्म नतिजा सार्वजनिक गर्ने तयारी भइरहेको प्रदेश अध्यक्ष शर्माले जानकारी दिए ।
‘१ हजार जनाभन्दा बढीलाई पोखरामा राखेर ढिलो गर्दा बढी खर्चालु पनि हुन्छ । मेसिनबाटै भोटिङ गर्ने भएकाले सकेसम्म १७ गते साँझसम्म रिजल्ट आउन सक्छ,’ उनले भने ।