Riżultati mill-aktar pożittivi mit-tim tal-kickboxing lokali Wu Shu Ky fil-Kampjonati tad-Dinja tal-World United Martial Arts li saru fil-Greċja.
Immexxija minn Sensei Alan Borg u minn għalliema oħra tal-istess klabb, it-tim kiseb żewġ rankings tal-ewwel post permezz ta’ Jake Fenech u Luca Aquilina.
Riżultati oħra pożittivi waslu bit-tieni post miksub minn Lucas Grech u t-tielet post miksub minn Isaac Abela.
Sfortunatament Jamie Inguanez ma setax jikkompeti minħabba li l-avversarju kien imweġġa.
Tim Wu Shu Ky kien ilu jipprepara għal din il-kompetizzjoni għal dawn l-aħħar xahrejn u bla dubju li r-riżultati miksuba jirreflettu t-taħriġ intensiv li sar.
Dawn it tip ta’ kampjonati jkomplu jagħtu opportunitajiet ta’ training camps barra minn xtutna, għal min jixtieq jippratika dan l-isport kemm fuq livell ta’ kompetizzjonijiet u kemm bħala eżerċizzju fiżiku għalih.
