National Lottery plc u l-Għaqda Ġurnalisti Sports, ħabbru r-rebbieħ tal-IZIBET Elite Athlete Award għal Lulju u Awwissu, unur li ntrebaħ miċ-Champion tad-Dinja tal-Pool Clayton Castaldi.
Castaldi rebaħ dan it-titlu wara prestazzjoni mill-aqwa li kellu fil-Kampjonati Dinjija li saru f’Agadir fil-Marokk. Castaldi kien brillanti fil-fażi tal-gruppi u dik eliminatorja, sabiex fil-finali għeleb lill-plejer professjonali Ingliż Josh Kane bl-iskor ta’ 11-9 biex rebaħ il-Kampjonat.
Franco De Gabriele, Chief Commercial Officer ta’ National Lottery plc u Sandro Micallef, President tal-Għaqda Ġurnalisti Sports ikkumentaw li s-suċċess ta’ Clayton Castaldi huwa frott ta’ sagrifiċji li huwa flimkien mal-Assoċjazzjoni Maltija tal-Pool jagħmlu sabiex jinkisbu riżultati pożittivi fix-xena internazzjonali.
